Залуус

12 дугаар сарын 21-нд юу болох талаар хамба нар ярьж байна

Мамбадацан хийдийн тэргүүн Д.Нацагдорж тэргүүтэй зургаан хийдийн хамба нар сүүлийн үед ихээр яригдах болсон дэлхий сөнөх, арванхоёрдугаар сарын 21-нд юу болох талаар өөрсдийн байр сууриа илэрхийллээ. Тэд бурхны шашин талаас тайлбарлаж байгаа бөгөөд бурхны шашны одон зурхай нь шинжлэх ухаантай таардаг байна. Тэд арванхоёрдугаар сарын 21-нд дэлхий сөнөхгүй, нар манддагаараа мандаж, өдөр хоног өнгөрдгөөрөө өнгөрнө гэдгийг онцолж байлаа. Хамба нарын үзэж буйгаар гараг ертөнц таван махбодиос бүрдсэн тул дэлхий сөнөхдөө тулвал зөвхөн галаас үүдэлтэй сүйрэл болох аж. Учир нь бурхны шашинд долоон нар гарч дэлхий сүйрнэ гэж номлосон байдаг байна. Үүнийг шинжлэх ухаанаар тайлбарлавал озоны давхарга долоон хэсэг цоорсноор аюул учрах аж.
Мөн бурхны номонд нэг их, завсрын долоон галав юүлнэ гэж заажээ. Завсрын галав гэдэг нь газар хөдлөлт, цунами зэрэг байгалийн аюулт үзэгдлийг хэлдэг бол их галав нь 600 сая дүнчүүр жилд нэг тохиодог байна. Одоогийн байдлаар энэ хугацаа болоогүй тул дэлхий сүйрэх ямар ч нөхцөлгүй гэдгийг мэдэгдлээ.

14:52 , 2012-12-11 .. Бичсэн: zollo (зочин)

харин тйин угаасаа юу ч болохгүй ш дэ